Search

أخر رسالة من شادى حبش

أخر رسالة من شادى حبش ٢٦ أكتوبر ٢٠١٩




أخر رسالة من شادي:

" السجن مابيموتش بس الوحدة بتموت ، انا محتاج دعمكم عشان ماموتش " في السنتين اللي فاتو انا حاولت " أقاوم " كل اللي بيحصلي لوحدي عشان اخرجلكم نفس الشخص اللي تعرفوه بس مبقتش قادر خلاص.

( مفهوم المقاومة في السجن: انك بتقاوم نفسك و بتحافظ عليها في و إنسانيتك من الآثار السلبية من اللي بتشوفوا و بتعيشوا كل يوم و أبسطها انك تتجنن او تموت بالبطيئ، لكونك مرمي في أوضه بقالك سنتين و مانسي و مش عارف هتخرج منها امتى ؟ او ازاي؟ )....

و النتيجة اني لسه في السجن و كل ٤٥ يوم بنزل عند قاضي و بتكون نفس النتيجة " تجديد ٤٥ يوم " من غير حتي مايبصلي او يبص لورق القاضية اللي كل اللي فيها مشيوا من ٦ شهور .... محتاج لدعمكم و محتاجكم تفكروهم اني لسه محبوس و انهم ناسيني و اني بموت بابطئ كل يوم لمجرد اني عارف اني لوحدي قدام كل ده و اني عارف اني ليا صحاب كتير بيحبوني و خايفين يكتبوا عني او فاكرين اني هخرج من غير دعمهم ليا ...

انا محتاجلكم و محتاج لدعمكم اكتر من اي وقت.

شادي حبش ٢٦ أكتوبر ٢٠١٩

0 views

Photo: Tim Bonea
Website: Sanni Kahilainen